Hen iha agé way pammaten hen tatagu ad namenghan wat panggép hen seblot. Uray henoy tagu wat mafalin màna ah seblot way larae man ono fufae. No wacha chan tagtagépfar yag ammag pàrat way mansigab hen poton hen iha yag ekatnéén, “Aẁ ammag sigab antoy potò wat epafangadnoy seblotno.” Yachi wat tot-owa way egad angkay ehapod anchi tatagu way way naneblot way ekatnéén, “Ufu, mamfangad-a an haén no an-o an seneblotan hea ta kaman-a gaggatong way maka-an.” Yachi wat man-ù-uwab tot-owa anchi naneblot yag an tot-owag gaggatong way maka-an hen sigab hen poton anchi naseblotan.
Wat yaha hen pammate panggép hen seblot. Wat no tot-oway seblot hen nangenpasigab hen paton hen anchi gummìna wat maka-an tot-owa no ehapod anchi naneblot.
